Euskara

Ondare kulturalaren transmititzeaz gain, euskaraz mintzatzea, irakurtzea, idaztea eta ikastea helburu garrantzitsua da. Frantses hizkuntza lehen mailatik goiti ikasten hasiz eta eskolaldiko zein eskolaz kanpoko jardueretan euskarazko ingurunean murgildua izanez gero, haurrak bi hizkuntzak bereganatzen ditu, eta hori, etxeko ingurumena frantsesezkoa izanik ere. Euskara, ikastolako bizi hizkuntza da, gelan, aire hartzean, kantinan, haurzaindegian, ateraldietan, gurasoekilako harremanetan erabiltzen den hizkuntza da. Gurasoek ere beren ardura dute, dakitenek hizkuntzaren transmisioa segurtatuz eta erdaldunentzat beraien egunerokotasunean euskarari leku bat eginez, ikastolaren eremuan oinarrizko euskal hitzak lehenetsiz.